2019 йилнинг 11-13 декабрь кунлари Ўзбекистон Республикаси Ташқи ишлар вазири Абдулазиз Камилов бошчилигидаги делегация Италия Республикасига ташриф буюради. Бу ҳақда ТИВ хабар берди.

Ташриф дастурига кўра Рим шаҳрида Ташқи ишлар ва халқаро ҳамкорлик вазири Луижи Ди Маио ва бошқа расмий шахслар билан учрашувлар ўтказиш ва икки томонлама муносабатларни янада ривожлантириш истиқболларини муҳокама қилиш кўзда тутилган.

Ташриф доирасида Ватиканда бўлиш ва Муқаддас Тахт давлатлар билан алоқалар бўйича котиби, архиепископ Пол Ричард Галлахер билан музокаралар ўтказиш режалаштирилган.

Италияда бўлиш чоғида Ўзбекистон делегацияси “Италия – Марказий Осиё: ўзаро тушуниш, ҳамкорлик ва шерикликни мустаҳкамлаш” халқаро конференциясида иштирок этади.

Манба: «Халқ сўзи»