Давлат статистика қўмитасида катта иқтисодчи-статист Мустафо Динч бошчилигидаги Жаҳон банки техник ёрдам гуруҳининг миссияси иш бошлади. Жорий йил 11 ноябрдан 15 ноябрга қадар давом этадиган учрашувларнинг асосий мақсади -­­­­­­­ ­­Ўзбекистон статистикасини ривожлантириш миллий стратегияси лойиҳасининг якуний вариантини тайёрлашдан иборат.

2019 йил 11 ноябрь куни мазкур миссия доирасида Давлат статистика қўмитаси Раиси Бегалов Баҳодир Абдусаломович билан учрашув бўлиб ўтди.

Томонлар кун тартибининг долзарб масалаларини муҳокама қилди. Ўзбекистон статистикасини ривожлантириш миллий стратегияси лойиҳасининг якуний вариантини тайёрлаш бўйича фикр-мулоҳаза алмашилди.

Жаҳон банки техник ёрдам гуруҳининг миссияси Миллий ривожланиш стратегиясининг таркибий қисмларини тайёрлаш ҳамда статистика амалиётининг энг муҳим масалалари бўйича қўмита билан ҳамкорликда иш олиб боради.

Манба: Ўзбекистон Республикаси Президенти ҳузуридаги Статистика агентлиги