2019 йилнинг 10 октябрь куни Ўзбекистон Республикаси Ташқи ишлар вазирлиги таклифига биноан 20 та элчи - ЕХҲТ иштирокчи мамлакатларининг Вена шаҳридаги доимий вакилларидан иборат делегация Тошкент шаҳрига ташриф буюради.

Ўзбекистоннинг Австриядаги Элчихонаси томонидан ташкиллаштирилаётган мазкур ташриф дастурида Олий Мажлис Сенати, Ташқи ишлар вазирлиги, Марказий сайлов комиссияси, Инсон ҳуқуқлари бўйича миллий марказида ва Инсон ҳуқуқлари бўйича вакил (Омбудсман) билан учрашувлар ўтказиш кўзда тутилган.

Дипломатлар Ўзбекистон Республикаси Президенти ҳузуридаги Ахборот ва оммавий коммуникациялар агентлигининг мамлакатимизда ОАВ эркинлигини таъминлашнинг долзарб масалалари ва мазкур соҳада олиб борилаётган ислоҳотларга бағишланган “давра субати"да иштирок этиш учун Самарқанд шаҳрида ҳам бўладилар.

Манба: Ўзбекистон Республикаси Ташқи ишлар вазирлиги