2019 йилнинг 4 сентябрь куни Ўзбекистон Республикаси Ташқи ишлар вазири ўринбосари Дилшод Ахатов Япония Парламенти Вакиллар палатаси депутатлари Фумиаки Кобаяши, Ясутака Накасонэ, Таро Ҳонда ва Япония Либерал-демократик партияси Демократик сиёсат тадқиқот институти илмий ходимлари билан учрашди.

Учрашув чоғида бўлажак олий даражадаги учрашувларга тайёргарлик кўриш нуқтайи назаридан икки томонлама муносабатларнинг турли жиҳатлари ва истиқболлари кўриб чиқилди.

Яқин парламентлараро алоқаларнинг кўп қиррали Ўзбекистон - Япония мулоқотини кенгайтириш, турли соҳаларда қўшма лойиҳалар ва дастурларни амалга оширишдаги муҳим роли эътироф этилди.

Япония Парламенти делегациясининг ташрифи дастуридан Олий Мажлис Қонунчилик палатаси ва Вазирлар Маҳкамасида музокаралар ўтказиш, Навоий ИЭС ва “Навоиязот" АЖ заводини бориб кўриш ҳамда Самарқанд шаҳридаги ўзбек халқининг тарихий-маданий мероси билан танишиш ҳам ўрин олган.

Манба: Ўзбекистон Республикаси Ташқи ишлар вазирлиги