Шу йилнинг 5 август куни Хива шаҳридаги “Ичан қалъа” давлат музей қўриқхонаси ҳудудида Хоразм вилоят қўғирчоқ театрининг 27 чи мавсуми очилиш маросими бўлиб ўтди.

Очилиш маросими давомида "Кўҳна Арк" мажмуаси ҳудудидаги ёзги амфи театри саҳнасида қўғирчоқ театри жамоаси томонидан саҳналаштирилган томошалар қўйиб берилди.

Мазкур театр томошаларига Хива туманидаги "Болалар шаҳарчаси" тарбияланувчилари ва Хива шаҳридаги оромоҳларда дам олаётган ўқувчилар жалб қилинди.

Театр томошаларини кўриш учун маҳаллий ва хорижий сайёҳлар ҳам ташриф буюришди.

Манба: Ўзбекистон Республикаси Маданият ва туризм вазирлиги