Россиянинг Каспийск шаҳрида бокс бўйича ўтаётган анъанавий халқаро турнирда 9 нафар чарм қўлқоп усталаримиз чорак финалга йўл олди.

Олимпия ўйинлари ғолиби Шаҳобиддин Зоиров 52 килограммгача вазн тоифасида венесуэлалик Мигель Антонио Гонсалесга қарши баҳс олиб бориб, якунда 5:0 ҳисобида ғалаба қозонди. Ёш боксчимиз Отабек Холматов 60 килограммгача вазнда украиналик Алексей Козелёкка ҳеч қандай имконият қолдирмади.

Эслатиб ўтамиз, 30 июль куни саралаш баҳсларида рингга кўтарилган 7 нафар боксчимизнинг барчаси кейинги босқич масаласини ҳал қилган эди. Шу тариқа 9 нафар боксчимиз мусобақанинг чорак финал йўлланмасини нақд қилди.

Жавоҳир ТОШХЎЖАЕВ, ЎзА

Манба: ЎзА