Мактабгача таълим вазирлиги Kun.uz интернет сайти томонидан мамлакатнинг турли вилоятларида жойлашган мактабгача таълим ташкилот (МТТ)ларнинг фаолиятига оид тез-тез ўтказиладиган журналистик текширувлар ва бу борадаги узоқ ҳамкорлик учун ўз миннатдорчилигини билдиради.

Яқинда ушбу сайт мухбирининг Самарқанд вилояти Нарпай туманида жойлашган 3-та МТТларда аниқланган қатор бузилиш ва камчиликлар ҳақидаги мақоласи эълон қилинди.

Шуни маълум қиламизки, вазрликнинг бир гуруҳ мутахассислари вазиятни жойида ўрганиш учун тез вақт ичида Самарқандга йўл олади. Тегишли бўлимлар вакиллари ўз хулосаларини берадилар ва улар асосида барча камчиликлар бартараф этилади, жавобгар шахслар эса жазоланади. Вазирлик матбуот хизмати эса текширувларнинг бориши ҳақида тезкор равишда хабар бериб туради.

Шунингдек, МТВ Самарқанд вилоятининг қатор МТТларида ҳукмрон бўлиб турган салбий вазият ва у билан боғлиқ муаммолар ҳақида хабардордир.  Шу муносабат билан яқинда вилоят МТБ ва шаҳар МТБ раҳбралари эгаллаб турган вазифаларидан озод этилдилар.   МТВ очиқ мулоқотга доимо тайёрлигини ва журналистлар томонидан билдирилаётган ғамхўрликни юқори бахолашини ва қадрлашини билдиради.

Манба: Ўзбекистон Республикаси Мактабгача таълим вазирлиги