Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Бангладеш Президенти “UZTEX GROUP” қўшма корхонаси фаолияти билан танишди
2019-06-17 | Жамият
Бангладеш Халқ Республикаси Президенти Муҳаммад Абдул Ҳамид Тошкент вилояти Чирчиқ шаҳридаги “UZTEX GROUP” масъулияти чекланган жамияти фаолияти билан танишди.
2009 йилда ишга туширилган корхонада пахтадан аралашма матолар, тайёр тўқимачилик маҳсулотлари ишлаб чиқарилади. Йилига 7 минг тонна ип-калава тайёрланади.
Корхона маҳсулотлари дунё бозорида харидоргирлиги билан ажралиб туради. Маҳсулотнинг асосий қисми Россия, Украина, Беларусь, Қозоғистон каби давлатларга экспорт қилинади. 2018 йил якунига кўра, хориж мамлакатларига 22,67 миллион долларлик маҳсулот экспорт қилинган. Корхона ўз маҳсулотларини Бангладеш Республикаси бозорларига ҳам етказиб беришни режалаштирган.
Олий мартабали меҳмон корхона фаолияти билан танишиб, бу ерда замонавий технологиялар асосида пахта толасидан ип-калава ишлаб чиқариш, қадоқлаш ва экспортга йўналтиришгача бўлган жараённи кўздан кечирди.
Иқтисодиётнинг барча жабҳаларида, хусусан, пахта-тўқимачилик соҳасида ҳамкорлик қилишдан манфаатдормиз, деди Бангладеш Президенти.
Манба: ЎзА
