Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
АҚШ молия вазирлиги делегацияси Ўзбекистон Республикаси Марказий банкига ташриф буюрди
2019-06-13 | Иқтисодиёт
Жорий йилнинг 12 июнь куни Марказий банкда АҚШ молия вазирининг техник ҳамкорлик сиёсати бўйича ёрдамчиси ўринбосари Ларри Макдональд раҳбарлигидаги делегация билан бўлиб ўтган учрашувда молия соҳасини ислоҳ қилишда ҳамкорликни кенгайтириш масалалари муҳокама этилди.
Вазирлик вакиллари давлат қимматли қоғозлари ва капитал бозорини ривожлантириш, киберхавфсизликни кучайтириш, шунингдек, молиявий жиноятлар ва терроризмни молиялаштиришни олдини олиш масалалари бўйича ҳамкорликда ишлар олиб боришни таклиф қилди.
Учрашув якунида Ларри Макдональд Марказий банкнинг монетар сиёсат ва банк тизимида амалга ошираётган ишларини юқори баҳолаб, режалаштирилган ислоҳотларни қўллаб-қувватлашга ва ушбу масалалар бўйича зарур техник ёрдам кўрсатишга тайёрлигини маълум қилди.
Манба: Ўзбекистон Республикаси Марказий банки
