Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Тошкентда КАМКА минтақавий форуми бошланди
2019-06-13 | Жамият
Тошкентда VI "Марказий Осиё, Мўғулистон, Кавказ ва Афғонистон" (КАМКА) минтақавий форуми ўтказилмоқда.
Форумда америкалик таниқли иқтисодчи, "Laffer Associates" компанияси асосчиси Артур Лаффер, Грузия собиқ бош вазири Гиорги Квирикашвили, Марказий Осиё ва Кавказ институти раҳбари Фредерик Стар каби 80дан зиёд халқаро ва минтақавий экспертлар иштирок этмоқда.
КАМКА минтақавий форуми Марказий Осиё ва Кавказ давлатларининг ижтимоий - иқтисодий тараққиётига доир масалалар юзасидан фикр алмашиш платформаси сифатида 2004 йилда таъсис этилган. Форум сиёсий мақсадларни кўзламайди.
Тошкент мезбонлигилида ўтаётган бу йил форум "КАМКА: умумий манфаатлар, умумий интилишлар" мавзусига бағишланган. Икки кунлик форум доирасида минтақавий савдо, транспорт ва транзит, инвестицияларни жалб қилиш, Марказий Осиё ва Кавказ давлатларининг ўзаро иқтисодий ва бизнес алоқаларини мустаҳкамлаш, тадбиркорлик ва инновациялар, инсон капитали, таълим, туризм ва ОАВни ривожлантириш масалалари бўйича ялпи мажлислар, муҳокамалар бўлиб ўтади.
Манба: ЎзА
