“Оила” маркази ҳамда ЮНИСЕФнинг Ўзбекистондаги ваколатхонасининг 2019-2020 йилларга мўлжалланган икки йиллик ишчи режасида ихтисослаштирилган ўқув-тарбия муассасаларини тугатган болаларни ўз оилаларига ва ижтимоий ҳаётга қайтариш жараёнини қўллаб-қувватлаш лойиҳаси кўзда тутилган.

Лойиҳа доирасида 2019 йил 21-24 май кунлари халқаро эксперт Светлана Рижикова томонидан Тошкент шаҳрида “Оила” марказининг ҳудудий бошқармалари ходимларини ихтисослаштирилган ўқув-тарбия муассасаларини тугатган болалар оилалари билан ишлашни чуқур ўргатишга бағишланган семинар-тренинг бўлиб ўтди. Семинар-тренинг давомида иштирокчилар оилани баҳолаш ва болани оилага, жамиятга қайтариш бўйича индивидуал режа тузиш, кейс-менеджмент асосида оиланинг кузатувини олиб бориш каби кўникмаларни ўрганиб олишади.

Манба: “Оила” илмий-амалий тадқикот маркази