Жорий йилнинг 3 май куни Хоразм вилояти қўғирчоқ театри ижодкорлари қадимий ва ҳамиша навқирон Хива шаҳрига ташриф буюрган Туркманистон Республикаси делегацияси вакилларини тантанали кутиб олиш маросимида иштирок этишди.

“Ичан қалъа” давлат музей қўриқхонасига кириш дарвозаларидан бири “Ота дарвоза” меъморий  ёдгорлиги  олдида   муносиб кутиб олинган меҳмонларга янги саҳналаштирилган “58-хон” театрлаштирилган томошаси намойиш этилди.

Тарихий аҳамияти юксак бўлган ушбу ўзига хос саҳна асари Туркманистон Республикасидан ташриф буюрган меҳмонларга улкан таассуротлар улашди.

Манба: Ўзбекистон Республикаси Маданият ва туризм вазирлиги