Икки бўлинма ўртасидаги муносабатларнинг юқори даражасини ва давлат молиялари соҳасидаги ҳамкорликнинг мустаҳкам пойдеворини яратишга интилишларини ҳисобга олган ҳолда, 2019 йил 17 апрелда Ўзбекистон Республикаси Молия вазирлиги ва Франция Республикаси Иқтисодиёт ва Молия вазирлиги ўртасида ниятларнинг баённомаси имзоланди.

Бу 2017-2021 йилларда Ўзбекистон Республикасининг ривожланишнинг бешта устувор йўналишлари бўйича ҳаракат стратегиясида белгиланган давлат молиясини такомиллаштиришнинг устувор йўналишларини амалга оширишга ёрдам беради. Ҳужжатга кўра, ғазна тизимини такомиллаштириш, даромадларни солиққа тортиш, давлат бюджети даромадларини йиғиш, ички аудит (тажриба алмашиш ва ахборот алмашиш, ўзаро ташрифларни ташкил этиш ва бошқалар) ва шунингдек, ахборот тизимларини жорий этиш бўйича келгуси ҳамкорлик режалаштирилган.

Маълумот учун: 2002 йилдан 2014 йилгача Ўзбекистон Республикаси Молия вазирлиги "Давлат молиясини бошқариш ислоҳоти" лойиҳасини амалга оширди. Ушбу тизимда олиб борилаётган ислоҳотлар, шунингдек, Идоралараро келишувлар асосида Франциянинг Иқтисодиёт ва Молия вазирлиги билан яқин ҳамкорликка асосланган. Франция тарафи ёрдами билан Ўзбекистон Республикаси Молия вазирлиги Ғазначилигининг ажралмас таркибини шакллантириш учун ҳуқуқий ҳужжатлар лойиҳалари тайёрланди.

Манба: Ўзбекистон Республикаси Молия вазирлиги