Кеча шахматга ихтисослаштирилган Республика болалар-ўсмирлар спорт мактабида анъанавий “Тошкент баҳори” турнирига старт берилди.

Турнирда 150 нафардан ошиқ спортчи “А” ва “Б” гуруҳларига бўлинган ҳолда ўз маҳоратларини синовдан ўтказмоқда.

1-турдан сўнг, “А” гуруҳида 34 нафар шахматчи ғалаба нашидасини сурди. 12 нафар шахматчи дурангга имзо чекди.

“Б” гуруҳида эса ғолиблар сони 34 нафарни ташкил қилди. Аммо бу гуруҳда биронта ҳам дуранг қайд этилмади.

“Тошкент баҳори” шахмат мусобақаси 12 апрелга қадар давом этади.

Муҳаммад Амин (сурат), ЎзА 

Манба: ЎзА