2019 йилнинг 29 январь куни Ўзбекистоннинг Тожикистондаги Элчиси Эргаш Шоисматов Душанбе шаҳри Тадбиркорларни қўллаб-қувватлаш ва ривожлантириш марказининг директори Хуршед Саидов билан учрашди.

Учрашувда Тожикистон тадбиркорлари иштирокида Сурхондарё вилоятида йирик инвестиция лойиҳаларини амалга оширишнинг амалий масалалари муҳокама қилинди.

Хуршед Саидов клиникалар, меҳмонхоналар қуриш, қишлоқ хўжалиги ва бошқа инвестицион лойиҳаларда бевосита иштирок этиш борасидаги режалари ҳақида маълум қилди.

Яқин кунлар ичида Тожикистоннинг нуфузли делегацияси Сурхондарё вилояти ҳокимлигида мақсадли музокаралар ўтказиш учун Ўзбекистонга ташриф буюришига келишиб олинди.

Манба: Ўзбекистон Республикаси Ташқи ишлар вазирлиги