Жорий йилнинг 23 январь куни Ўзбекистон Республикаси Маданият вазирининг биринчи ўринбосари О.Назарбеков Туркиянинг Анқара шаҳрида Туркия Маданият ва туризм вазирининг биринчи ўринбосари Ахмад Халук Дурсун билан учрашди.

Музокара чоғида Туркияда Ўзбекистон маданияти кунлари ҳамда Ўзбекистонда Туркия маданияти кунларини ўтказиш, шунингдек, ҳар икки давлатда ҳам маданият марказларини ташкил этиш, маданий ҳамкорликни янада мустаҳкамлаш масалалари муҳокама этилди. Шунингдек, 2019 йилнинг октябр ойида Туркияда Ўзбекистон маданияти кунларини ўтказишга келишиб олинди.

Манба: Ўзбекистон Республикаси Маданият ва туризм вазирлиги