Янги ўқув йилидан Тошкент шаҳрида Амити Университети (Ҳиндистон)нинг филиали очилади. Бу ҳақда тегишли қарор 7 январда қабул қилинди.

Университет ахборот-коммуникация технологиялари, жумладан, компютер ва дастурий инжиниринг, сунъий интеллект ва менежмент соҳаларида мутахассислар тайёрлайди.

Амити Университети – Ҳиндистонда етакчи хусусий олий таълим муассасаси ҳисобланади. Таълим муассасасининг бош корпуси Ноида шаҳрида жойлашган бўлиб, унинг 11 та шаҳарда (Мумбай, Жайпур, Колката ва бошқалар) кампуслари мавжуд. Шунингдек, Нью-Йорк, Лондон, Дубай, Сингапур, Хитой, ЖАР ва жаҳоннинг бошқа шаҳарларида филиаллари фаолият юритади.

Тошкент шаҳрида ушбу олий таълим муассасасини очиш бўйича келишув Ўзбекистон Республикаси Президентининг Ҳиндистонга давлат ташрифи доирасида имзоланган эди.

Манба: Ўзбекистон Республикаси Рақамли технологиялар вазирлиги