Мана бир неча йилдирки юртимиздаги барча раҳбарлар доимий тарзда фуқаролар мурожаатларини тинглаб, ҳар томонлама ижобий ҳал этилишида кўмаклашишади.

Бугун навбатдаги фуқаролар қабулида Маданият вазири Бахтиёр Сайфуллаев мурожаат ва таклиф билан ташриф буюрган маданият ва санъат аҳли вакилларининг иш билан таъминланиш масаласи, музейлар фаолиятини олиб боришда янгича ёндашувлар, тизимдаги таълим муассасаларида дарс бериш жараёнларини такомиллаштириш, турли фестивалларни ўтказиш юзасидан янги ғоялар, театрлар учун кадрлар тайёрлашда маҳорат дарсларини ўтказиш, бу йил талабалик гаштини сура олмаган ёшларни тизимдаги олий ўқув юртларида кўшимча дарс олишига имкониятлар яратилиши каби мурожаатларни кўриб чиқди.

Барча ташриф буюрганларнинг мурожаатлари қаноатлантирилди.

Манба: Ўзбекистон Республикаси Маданият ва туризм вазирлиги