Ўзбекистон Президенти Шавкат Мирзиёев Россия Президенти Владимир Путиннинг таклифига биноан футбол бўйича жаҳон чемпионатининг очилиш маросимида иштирок этиш учун Москвага ташриф буюрди. 

“Внуково-2” халқаро аэропортида давлатимиз раҳбари футбол байрамига хос кўтаринки муҳитда кутиб олинди. 

Таомилга кўра, Президентимизни футбол бўйича 2018 йилги жаҳон чемпионатининг рамзи – бўри “Забивака” қарши олди. 

Шавкат Мирзиёев “Мундиал”нинг расмий тўпига дастхат қўйди. 

Давлатимиз раҳбари ўғли Миралишер ва набираси Миромон билан бўри “Забивака” ёнида суратга тушди.

Манба: Ўзбекистон Республикаси Президентининг расмий веб-сайти