Ўзбекистон Республикаси ИИВ Академияси шаҳодатланган лавозимларга ҳуқуқшунос, ахборот технологиялари, шифокор (оториноларинголог, дерматовенеролог) ҳамда хорижий тиллар (инглиз, рус) мутахассисликлари бўйича магистр ва илмий даражасига эга бўлган номзодлар танловини эълон қилади. 

ИИВнинг амалдаги меъёрий буйруқлари талабларига кўра номзодлардан қуйидагилар талаб этилади:

• ўтказиладиган суҳбат давомида эгаллаган мутахассислиги бўйича етарли билимга эга эканлигини намоён қилган;
• магистр дипломига эга бўлган;
• Қуролли Кучлар сафида муддатли ёки сафарбарлик хизматини ўтаган ёхуд олий ўқув юртининг ҳарбий кафедрасида таҳсил олган;
• ҳарбий-тиббий комиссиядан соғлом деб топилган бўйи 165 см.дан паст бўлмаган эркаклар ва 160 см.дан паст бўлмаган аёллар;
• Ички ишлар органлари ходимларига қўйиладиган талабларни бажара оладиган, юриш-туриши, одоб-аҳлоқи билан бошқаларга намуна бўла оладиган, ички ишлар органларида хизмат қилиш истагини билдирган Ўзбекистон Республикаси фуқаролари ишга қабул қилинади.

ИИВнинг амалдаги норматив-ҳуқуқий ҳужжатлари талаблари асосида дастлабки суҳбатдан ўтган, индивидуал психологик тест топширган, белгиланган ҳужжатларни тўплаган, ҳарбий-тиббий кўрикдан ҳамда якуний суҳбатдан муваффақиятли ўтган фуқаролар Ўзбекистон Республикасининг “Ички ишлар органлари тўғрисида”ги қонуни талаблари асосида хизматга қабул қилинади.

Шунингдек, муқаддам ички ишлар органларида бенуқсон хизмат қилиб, ҳозирда нафақада бўлган, кўп йиллик бой амалий иш тажрибасига эга бўлган собиқ ходимлар нафақалари сақланган ҳолда ҳамда фуқаролик олий ўқув юртларида хизмат фаолиятини олиб бораётган, илмий унвон ва даражага эга бўлган фуқаролар профессор-ўқитувчилар (ИИВ Академиясидаги шаҳодатланган лавозимлар ҳисобидан эркин ёлланган) таркибидаги мавжуд бўлган ўқитувчилик лавозимларига ишга таклиф қилинади.

Мурожаат учун телефонлар: (0371) 265-17-53, 265-65-32

Манзил: Тошкент шаҳар Мирзо Улуғбек тумани Интизор кўчаси 68-уй.

Манба: ЎзА