Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Ўзбекистон ёшлари Осиё чемпиони
2018-01-27 | Спорт
Хитойда 23 ёшли футболчилар ўртасидаги Осиё чемпионатининг финал баҳсида Ўзбекистон ва Вьетнам ёшлар терма жамоалари ўзаро баҳслашди.
Биринчи бўлимнинг 8-дақиқасида Достонбек Ҳамдамов бурчакдан тўпни Рустамжон Ашурматовга узатди ва ҳимоячимиз ушбу вазиятдан унумли фойдаланиб, тўпни боши билан дарвозага жойлаб қўйди. Ҳисоб – 1:0. 41-дақиқада дарвозамиз томон қўйилган жарима тўпини въетнамлик Нгуен Қуанг Хаи муваффақиятли амалга оширди ва ҳисобни 1:1 кўринишига олиб келди.
"Қор жанги"нинг иккинчи бўлимини футболчиларимиз кўк либосда бошлади. Ушбу таймда ҳар иккала жамоа вакиллари қатор ҳужумлар уюштирган бўлса-да, аммо ҳисоб очилмади. Шу тариқа асосий вақт 1:1 ҳисобида якунланди.
Қўшимча вақтнинг иккинчи бўлими, 119-дақиқасида бурчакдан оширилган тўпни Андрей Сидоров дарвоза томон оёғи билан йўллади ва терма жамоамизнинг 2:1 ҳисобидаги ғалабасини таъминлади.
Шу тариқа Ўзбекистон ёшлар терма жамоаси Осиё чемпионига айланди.
Жавоҳир Тошхўжаев, ЎзА
Манба: ЎзА
