Ўзбекистон Республикаси Президентининг 2017 йил 20 апрелдаги «Олий таълим тизимини янада ривожлантириш чора-тадбирлари тўғрисида»ги ПҚ-2909-сон қарори ижросини таъминлаш мақсадида Ўзбекистон Республикаси Олий ва ўрта махсус таълим вазирлиги ва Ўзбекистон Республикаси Ахборот технологиялари ва коммуникацияларини ривожлантириш вазирлиги ўртасида имзоланган қўшма қарорга асосан Олий таълим муассасалари учун «Ўзбектелеком» АК томонидан 50% гача имтиёзли нархлар асосида ҳамда чекланмаган трафик Интернет тармоғи хизматлари учун тариф режалари ишлаб чиқилди.

Интернет тармоғи учун ишлаб чиқилган тариф профессор-ўқитувчилар ва талабаларга ўқув жараёнида ахборот-коммуникация технологияларидан фойдаланишида янада кенгроқ имконият беради.

Манба: Ўзбекистон Республикаси Олий таълим, фан ва инновациялар вазирлиги