2017 йилнинг 12 июнь куни Ўзбекистон Республикаси Ташқи ишлар вазирлигида Польша ҳукуматининг хориждаги поляклар бўйича вакили, сенатор Анна Мариа Андерс бошчилигидаги делегация билан учрашув бўлиб ўтди.

Польша делегацияси Ўзбекистонга турли шакллардаги икки томонлама музокаралар ўтказиш ва Ўзбекистон ҳудудида дафн этилган Польша генерали В.Андерс армияси солдатлари хотирасига бағишланган тадбирларда иштирок этиш учун келган.

ТИВдаги учрашувда Ўзбекистон-Польша муносабатларининг ҳозирги ҳолати сиёсий, савдо-иқтисодий, маданий-гуманитар ва бошқа соҳаларда алоқаларни янада ривожлантириш нуқтайи-назаридан муҳокама қилинди.

Шунингдек, долзарб халқаро ва минтақавий масалалар юзасидан фикр алмашилди.

Учрашувда Польша Элчиси Пётр Ивашкевич иштирок этди.

Манба: Ўзбекистон Республикаси Ташқи ишлар вазирлиги