Тошкентнинг “Локомотив” жамоаси Осиё чемпионлар лигасининг гуруҳ босқичи тўртинчи тури доирасида Эроннинг "Истиқлол" клубини қабул қилди.

“А” гуруҳидаги мазкур ўйиннинг дастлабки дақиқалариданоқ ҳужумга эътибор қаратган "Локомотив" аъзолари 13-дақиқада ҳисобни очди. Ушбу голга Марат Бикмаев муаллифлик қилди. Кескин ва муросасиз баҳсларга бой ўтган иккинчи бўлимнинг 87-дақиқасида "Истиқлол" жамоаси аъзоси Кавеҳ Резойи ҳисобни тенглаштирди - 1:1. 

"Локомотив" жамоаси 25 апрель куни ўтказиладиган навбатдаги учрашувда Саудия Арабистонининг "Ал-Таавон" клуби меҳмони бўлади.

Манба: ЎзА