Ўзбекистон Республикаси Президентининг 2020 йил 13 майдаги ПФ-5993-сонли Фармонига мувофиқ, Мусаев Бехзод Анварович Ўзбекистон Республикаси Бош вазирининг ижтимоий ривожлантириш масалалари бўйича ўринбосари лавозимига тасдиқланди ва шу муносабат билан Давлат солиқ қўмитаси раиси лавозимидан озод этилди.

Ўзбекистон Республикаси Президентининг 2020 йил 27 февралдаги ПФ-5949-сонли Фармонига мувофиқ, Барноев Ўктам Исоевич Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари лавозимига тасдиқланди ва шу муносабат билан Бухоро вилояти ҳокими лавозимидан озод этилди.

Ўзбекистон Республикаси Президентининг 2020 йил 10 мартдаги Фармонига мувофиқ, Умурзаков Сардор Уктамович​ Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари – Ўзбекистон Республикаси инвестициялар ва ташқи савдо вазири лавозимига тасдиқланди.

Ўзбекистон Республикаси Президентининг 2020 йил 24 февралдаги ПФ-5945-сонли Фармонига мувофиқ, Ишметов Тимур Аминджанович Ўзбекистон Республикаси молия вазири лавозимига тасдиқланди ва шу муносабат билан Ўзбекистон Республикаси молия вазирининг биринчи ўринбосари лавозимидан озод этилди.

Ўзбекистон Республикаси Президентининг 2020 йил 24 февралдаги ПФ-5944-сонли Фармонига мувофиқ, Кучкаров Джамшид Анварович Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари – Ўзбекистон Республикаси иқтисодиёт ва саноат вазири лавозимига тасдиқланди ва шу муносабат билан Ўзбекистон Республикаси Бош вазирининг ўринбосари – Ўзбекистон Республикаси молия вазири лавозимидан озод этилди.

Ўзбекистон Республикаси Конституциясининг 98-моддасига мувофиқ Вазирлар Маҳкамаси янги сайланган Ўзбекистон Республикаси Олий Мажлиси олдида ўз ваколатларини зиммасидан соқит қилганлиги маълумот учун қабул қилинди.

Ўзбекистон Республикаси Вазирлар Маҳкамасининг 2019 йил 13 ноябрдаги 910-сон қарорига мувофиқ Ходжаев Асаджон Азатбекович Ўзбекистон Республикаси Ахборотлаштириш ва телекоммуникациялар соҳасида назорат бўйича давлат инспекциясининг бошлиғи этиб тайинланди.

Ўзбекистон Республикаси Президентининг 2019 йил 31 августдаги ПҚ-4434-сонли Қарорига мувофиқ, Хидоятов Шерзод Саиджанович Ўзбекистон Республикаси Қурилиш вазирининг биринчи ўринбосари лавозимига тайинланди.

Ўзбекистон Республикаси Президентининг 2019 йил 31 августдаги ПФ-5807-сонли Фармонига мувофиқ, Закиров Ботир Иркинович Ўзбекистон Республикаси Қурилиш вазири лавозимига тасдиқланди ва шу муносабат билан Ўзбекистон Республикаси Қурилиш вазирининг биринчи ўринбосари лавозимидан озод этилди.

Ўзбекистон Республикаси Конституциясининг 93-моддаси 15-банди ва 102-моддасига ҳамда 2019 йил 1 майдаги Ўзбекистон Республикаси Президентининг фармонига мувофиқ Боболов ​Тўра Абдиевич Сурхондарё вилояти ҳокими лавозимига тайинланди.