Ўзбекистон Республикаси
Ҳукумат портали
Тошкент шаҳрида бўлиб ўтадиган “C5+1” шаклидаги вазирлар учрашуви
2020-02-03
2020 йилнинг 3 февраль куни Тошкент шаҳрида “C5+1” шаклида навбатдаги вазирлар учрашуви бўлиб ўтади.
Учрашувда Қирғизистон Республикаси Ташқи ишлар вазири Чингиз Айдарбеков, Қозоғистон Республикаси Ташқи ишлар вазири Мухтар Тлеуберди, Тожикистон Республикаси Ташқи ишлар вазири Сирожиддин Муҳриддин, Туркманистон Ташқи ишлар вазири Рашид Мередов, Ўзбекистон Республикаси Ташқи ишлар вазири Абдулазиз Камилов ва АҚШ Давлат котиби Майкл Помпео иштирок этади.
Ташқи сиёсат идоралари раҳбарларининг Марказий Осиё давлатлари ва АҚШ ҳамкорлигини ривожлантиришнинг долзарб масалаларини муҳомкама қилиши кутилмоқда.
Манба: Ўзбекистон Республикаси Ташқи ишлар вазирлиги