Ўзбекистон Республикаси
Ҳукумат портали
Ўзбекистон делегациясининг Ашхабод шаҳрида бўлиб ўтадиган халқаро тадбирларда иштироки
2017-12-11
Ўзбекистон Республикаси Ташқи ишлар вазири Абдулазиз Камилов бошчилигидаги делегация 2017 йил 11 декабрь куни Ашхабод шаҳрида бўлиб ўтадиган “Халқаро муносабатларда бетарафлик сиёсати ва превентив дипломатия: Туркманистон тажрибаси ва унинг аҳамияти”, “БМТнинг Марказий Осиё учун превентив дипломатия бўйича минтақавий маркази: Марказий Осиё билан минтақадаги тинчлик ва тараққиётга йўналтирилган ҳамкорликнинг 10 йиллиги” мавзуларидаги халқаро конференцияларда иштирок этади.
Шу куннинг ўзида Туркманистон пойтахтида Марказий Осиёнинг беш давлати ва Афғонистон ташқи сиёсат идоралари раҳбарлари учрашуви бўлиб ўтади.
Манба: Ўзбекистон Республикаси Ташқи ишлар вазирлиги