2016-01-15

Германияда шу йилнинг 15-24 январь кунлари жаҳондаги энг йирик “Яшил ҳафта — 2016” халқаро озиқ-овқат саноати, қишлоқ, ўрмон ва боғдорчилик хўжалиги кўргазмаси бўлиб ўтади.

“Яшил ҳафта” қишлоқ хўжалиги, чорвачилик, боғдорчилик ва озиқ-овқат товарларини ишлаб чиқариш соҳаларида энг сўнгги ютуқлар намойиш этиладиган платформа ҳисобланади.

Ўзбекистон вакиллари кўргазма доирасида мамлакатимиз қишлоқ хўжалиги маҳсулотларини намойиш этишади. “Яшил ҳафта — 2015” кўргазма якунларига кўра, Ўзбекистон маҳсулотлари экспорт қилиш учун қиймати 122,3 миллион АҚШ доллари бўлган шартномалар имзоланган.

Манба: “Дунё” ахборот агентлиги