Qoraqalpog'iston Respublikasi Shumanay tumani tibbiyot birlashmasining oliy toifali pediatri Zamira Uzoqboyeva Vatanimiz mustaqilligining 23-yilligi munosabati bilan Prezidentimiz farmoniga muvofiq "O'zbekiston Respublikasida xizmat ko'rsatgan sog'liqni saqlash xodimi" faxriy unvoni bilan taqdirlandi.

Qariyb 25-yildan buyon yosh avlod salomatligi yo'lida fidokorona mehnat qilib kelayotgan tajribali shifokorning to'g'ri tashxisi va samarali muolajasi tufayli yuzlab kichkintoylar to'liq sog'ayib ketdi. Bundan minnatdor ota-onalar opani "Bolajonlar shifokori", deb alqaydi.