Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Kanakunjut yetishtirish bo‘yicha hamkorlik istiqbollari muhokama qilindi
2023-08-03 | Jamiyat
Qishloq xo‘jaligi vaziri Aziz Voitov Italiyaning «EniS.p.A.» kompaniyasi Jamoatchilik bilan aloqalar direktori Lapo Pistyelli boshchiligidagi kompaniya vakillari bilan uchrashdi.
Suhbatda vazir Aziz Voitov O‘zbekiston va Italiya o‘rtasida ko‘pqirrali munosabatlar jadal rivojlanib, keng hamkorlik amaliy tus olayotgani va O‘zbekistonning nafaqat Italiya, balki, butun Yevropa Ittifoqi mamlakatlari bilan hamkorligi oxirgi yillarda sezilarli darajada faollashganini aytib o‘tdi.
Suhbat chog‘ida kanakunjutni mamlakatimizning sug‘oriladigan mintaqalarida bir yillik ekin sifatida yetishtirish imkoniyatlari mavjudligi, uning oziq-ovqat, dori-darmon hamda soch va terini parvarish qilish mahsulotlariga qo‘shimchalar, shuningdek sanoatda moylash materiallari va biodizel yoqilg‘isi komponenti sifatida ishlatilishi qayd etib o‘tildi.
Uchrashuv yakunida tomonlar kanakunjutni yetishtirish va qayta ishlash bo‘yicha hamkorlik yo‘nalishlarini ishlab chiqish va birgalikda yangi loyihalarni ishga tushirish imkoniyatlarini o‘rganib chiqishga kelishib olishdi.
Manba: O‘zbekiston Respublikasi Qishloq xo‘jaligi vazirligi
