O‘zbekiston Respublikasi Prezidenti huzuridagi Davlat xizmatini rivojlantirish agentligi Toshkent shahar filiali tomonidan tuman hokimliklarining tarkibiy bo‘linmalaridagi davlat fuqarolik xizmatchilari uchun qisqa muddatli malaka oshirish kurslari o‘tkazilmoqda.

Tinglovchilarga Agentlikning Toshkent shahar filiali xodimlari, oliy ta’lim muassasasi professor-o‘qituvchilari, soha mutaxassislari, psixologlar tomonidan zarur bilim va ko‘nikmalar berib borilmoqda. Xususan, yuridik va jismoniy shaxslarning murojaatlari bilan ishlash, ijro intizomini ta’minlash, Xotin-qizlar.uz platformasi faoliyatini takomillashtirish, shuningdek tazyiq va zo‘ravonlikdan jabrlangan xotin-qizlarga himoya orderini berish, uning ijrosini ta’minlash va monitoring olib borish kabi dolzarb mavzular mashg‘ulotlar kun tartibidan o‘rin olgan.

Manba: Toshkent shahar hokimligi