Kinematografiya agentligida Hindistonning O‘zbekistondagi elchixonasi hamda Hindiston axborot va kommunikatsiya texnologiyalari vazirligi vakillari bilan videomuloqot bo‘lib o‘tdi.

Muloqot davomida tomonlar Hindiston delegatsiyasining sentyabr oyida o‘tkazilishi kutilayotgan Toshkent xalqaro kinofestivalidagi ishtiroki bo‘yicha muzokaralar olib borildi. Unga ko‘ra, kinofestivalga Bollivud kinoyulduzlarining tashrifi va hind filmlarining namoyishini tashkil etish masalalari muhokama etildi. Shuningdek, “Kino 5 kunda” loyihasi uchun hindistonlik yosh kinoijodkorlarning ishtirokini ta’minlash bo‘yicha ham kelishib olindi. 

Videomuloqot so‘ngida ishtirokchilar joriy yil dekabr oyida Hindistonda bo‘lib o‘tadigan xalqaro kinofestival doirasida “O‘zbek kino kunlari”ni tashkil etish hamda ikki davlat o‘rtasida qo‘shma loyihalar yaratish masalalarini ham ko‘rib chiqishdi. 

Manba: O'zA