Ko'rinish
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Buxoroda Turkiy davlatlarning yoshlari jam bo‘ldi
2022-06-03 | Yoshlar
Buxoroda o‘tkazilayotgan Turkiy davlatlar tashkilotining IV Yosh liderlar forumi qatnashchilari uchun seminar-trening o‘tkazildi. Ishtirokchilar tadbirkorlik – Talks va Media, san’at, madaniyat va sport hamda fan va ta’lim yo‘nalishlarida o‘zaro fikr almashdi.
– Yosh liderlar deganda avvalo, kelajakda mamlakatning turli sohalardagi boshqaruv tizimlariga kirishadigan insonlarni tasavvur qilaman, – deydi Oliy Majlis Qonunchilik palatasi deputati, O‘zbekiston Yoshlar ittifoqi Markaziy Kengashi raisi o‘rinbosari, Respublika "Kamalak" bolalar tashkiloti raisi Madina Barotova. – Bugun ularni bitta platformada jamlanishi, avvalo, o‘zaro do‘stlik aloqalarini mustahkamlaydi.
– 2018 yilda Cho‘lpon otada bo‘lib o‘tgan yoshlar masalalari bo‘yicha Turkiy davlatlarning rahbarlari sammitida yoshlarga juda katta urg‘u berilgan edi, – deydi Turkiy davlatlar tashkiloti Bosh kotibi o‘rinbosari Umar Ko‘jaman. – O‘tgan davr mobaynida Turkiy davlatlarning yoshlar siyosati masalalari bo‘yicha muayyan ishlar qilindi. Hozirda Buxoroda Turkiy davlatlar tashkilotining IV Yosh liderlar forumi o‘tkazilmoqda. Haqiqatdan ham juda chiroyli va katta tadbir tashkil etilgan. Bu forumni turkiy olamdagi barcha yoshlar kuzatib turibdi.
O‘zbekiston Respublikasi Prezidenti Shavkat Mirziyoyev tomonidan 2022 yilni Turkiy dunyoda “Yoshlar tashabbuslarini qo‘llab-quvvatlash yili” deb e’lon qilish tashabbusi ilgari surildi. Bu tashabbus barcha qardoshlar tomonidan qo‘llab-quvvatlandi. Bugun ko‘hna va boqiy Buxoroda turkiy davlatlarning yoshlari jamlangan. Buxoro juda go‘zal va maftunkor ekan.
Zarif Komilov,
Tohirjon Istatov (surat),
Manba: O'zA
