Markaziy bankda shu mavzuda davra suhbati o‘tkazildi. Tadbirda O‘zbekiston Respublikasi Bosh vaziri o‘rinbosari, Oila va xotin-qizlar davlat qo‘mitasi raisi, Oliy Majlis Senatining Xotin-qizlar va gender tenglik masalalari qo‘mitasi raisi, Yevropa tiklanish va taraqqiyot banki vakillari, Markaziy bankning tarkibiy bo‘linmalari va hududiy bosh boshqarmalari rahbarlari, tasarrufdagi korxonalar mas'ullari, tijorat banklarining gender masalalari bo‘yicha Kengashlari raislari ishtirok etishdi.

• O‘zbekiston Respublikasi Markaziy bankida hamda barcha tijorat banklarida xotin-qizlar va erkaklar uchun teng huquq hamda imkoniyatlarni ta'minlash masalalari bo‘yicha maslahat-kengashlari tashkil etildi;
• bank tizimi tomonidan xotin-qizlarning tadbirkorlik tashabbuslarini moliyaviy qo‘llab-quvvatlash borasida faol ishlar olib borilmoqda;
• Yevropa tiklanish va taraqqiyot banki bilan hamkorlikda 2021-2023 yillarga mo‘ljallangan moliya tizimi va tadbirkorlikda gender inklyuzivligini oshirish masalalari bo‘yicha Harakatlar rejasi ishlab chiqildi va O‘zbekiston bank tizimida gender inklyuzivligini kuchaytirish bo‘yicha qo‘shma loyihani amalga oshirish rejalashtirilgan.

Manba: O‘zbekiston Respublikasi Markaziy banki