Gidrometeorologiya xizmati markazining xabariga ko‘ra, yakshanba kuni salqin havo massalari O‘zbekistonning barcha hududlariga tarqaladi. 

Respublika bo‘yicha ba’zi joylarda yomg‘ir yog‘adi, tog‘li hududlarda yog‘ingarchilik (yomg‘ir, qor) bo‘ladi. Qoraqalpog‘istonda, Xorazm, Andijon, Namangan, Farg‘ona viloyatlarida yog‘ingarchilik kutilmaydi. Havo harorati shu kunning me’yoriy qiymatlariga nisbatan yanada pasayadi va kechasi 2-7° iliqni, kunduz kuni 5-10° iliqni tashkil etadi, shimolda kechasi 3-8° sovuqqacha, kunduz kuni 0-5° sovuqgacha bo‘ladi. Shanba va yakshanba kunlari kechasi va ertalab tuman tushishi mumkin.

Ob-havo sharoitining sovushi kutilayotganligi sababli, Yo‘l harakati xavfsizligi bosh boshqarmasi barcha haydovchilardan boshqaruvidagi transport vositasining texnik sozligini tekshirib, shina protektori naqshlarining qoldiq balandligi belgilangan me’yorda bo‘lishiga e’tiborli bo‘lib, yo‘llarda o‘ta ehtiyotkorlik bilan:

-qoidalarga rioya qilgan holda;

-tezlikni me’yordan oshirmasdan;

-oraliq masofani saqlab harakatlanishlarini so‘raydi.

Texnik soz transportni boshqarish - o‘zingiz va atrofdagilar xavfsizligi uchun muhimdir!

Manba: