Avval habar berganimizdek, O‘zbekiston Respublikasi Prezidenti rahbarligi 2021-yil 1-noyabr kuni ““2022-yil uchun O‘zbekiston Respublikasining Davlat budjeti to‘g‘risida”gi Qonun loyihasi” muhokamasiga bag‘ishlab o‘tkazilgan yig‘ilishda Prezidentimiz tomonlaridan berilgan topshiriqlariga ijrosini ta'minlash maqsadida 2022-yil Davlat budjeti to‘g‘risidagi Qonun loyihasi Hududlarda, mahalliy kengashlar halq deputatlari, tadbirkorlar va fuqarolar ishtirokida muhokama qilinmoqda. 

Muhokamalarda Moliya vaziri o‘rinbosarlari 2022-yil uchun budjet loyihasida soliq budjet siyosatidagi asosiy o‘zgarishlarni, mahalliy budjetlar mustaqilligini oshirish bo‘yicha amalga oshirilayotgan ishlarni yig‘ilish ishtirokchilariga batafsil tushuntirib bermoqdalar. Jumladan bu kabi tadbirlar Qashqadaryo va Surxondaryo viloyatida tashkil etildi. Xafta davomida respublikamizning qolgan hududlarida ham bu kabi seminarlar tashkil etilishi rejalashtirilgan.

Manba: O‘zbеkistоn Rеspublikаsi Mоliya vаzirligi