Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
O‘zbekiston va Turkiya o‘rtasidagi ikki tomonlama hamkorlik masalalari muhokama qilindi
2021-09-14 | Iqtisodiyot
O‘zbekiston Respublikasi Bosh vazirining o‘rinbosari – investitsiyalar va tashqi savdo vaziri S.Umurzoqov Turkiya Adolat va taraqqiyot partiyasi raisining o‘rinbosari – Istanbul shahridan parlament deputati Numon Kurtulmush boshchiligidagi Turkiya Respublikasi parlamentining bir guruh deputatlari bilan uchrashuv o‘tkazdi.
Konstruktiv muloqot chog‘ida tomonlar ikki mamlakat o‘rtasidagi ko‘p qirrali hamkorlikning keng ko‘lamli masalalarini muhokama qildilar. O‘zbekiston va Turkiya o‘rtasidagi siyosiy, savdo-iqtisodiy, madaniy-gumanitar hamkorlikni kengaytirish dinamikasi yuqori baholandi.
Turkiya tomoni O‘zbekistonda islohotlarni ilgari surishda har tomonlama yordam ko‘rsatishga tayyorligini bildirdi. Erishilgan kelishuvlarni samarali ro‘yobga chiqarish hamda o‘zaro hamkorlik shakllari va mexanizmlarini yanada takomillashtirish maqsadida yaqin hamkorlik qilishga kelishildi.
Manba: O‘zbekiston Respublikasi investitsiyalar, sanoat va savdo vazirligi
