Ta'kidlaganidek, noqonuniy harakatlarning aksariyatini o‘z vaqtida oldini olish choralari mavjud bo‘lgan bo‘lsa-da, bunga Ekologiya va atrof muhitni muhofaza qilish davlat qo‘mitasi, joylardagi sektor rahbarlari tomonidan jamoat tashkilotlari va fuqarolarning o‘zini o‘zi boshqarish organlari bilan hamkorlikda olib borilishi lozim bo‘lgan chora-tadbirlarga yetarli e'tibor qaratilmaganligi oqibatida 2021-yilning 6 oyi davomida respublikada daraxt va butalarni noqonuniy kesilishi bilan bog‘liq jami 2597 ta huquqbuzarlik sodir etilgan, huquqbuzarlarga nisbatan 3,1 mlrd so‘m jarima va o‘simlik dunyosiga 6,7 mlrd so‘m zarar belgilangan. Eng achinarlisi, aniqlangan huquqbuzarliklar natijasida 2407 ta qimmatbaho navli daraxtlar, 2109 ta kam qimmatli daraxtlar, 1744 m3 butalar noqonuniy kesilgan.

 

Shu bilan birga 6 oyi davomida daraxt va butalarni noqonuniy kesilishi va shikastlantirilishi bilan bog‘liq holatlar hududlar kesimida tahlil etilganda eng ko‘p Qoraqalpog‘iston Respublikasi 1065 ta, Samarqand viloyatida 590 ta, Qashqadaryo viloyatida 534 ta, Toshkent viloyati 344 ta viloyatlari hissasiga to‘g‘ri kelgan.

 

Moratoriy joriy etilgan davrda respublika bo‘yicha 2020-yilning 31-dekabriga qadar davlat o‘rmon fondiga kirmaydigan 182 ming tup, shundan 92 ming tupga yaqin qimmatbaho daraxt va butalar navlarini saqlab qolinishiga erishildi.