Koreya Respublikasi Milliy soliq xizmati delegatsiyasi rasmiy tashrif bilan O‘zbekistonda bo‘lib turibdi. 

O‘zbekiston Respublikasi Davlat soliq qo‘mitasida qo‘mita Raisi Sherzod Kudbiev bilan Koreya Respublikasi Milliy soliq xizmati komissari Kim Daeji uchrashuvi bo‘lib o‘tdi.  Tadbirda «Covid-19» pandemiyasi davrida ikki mamlakat soliq idoralari o‘rtasida o‘zaro hamkorlik aloqalarini mustahkamlash va soliq ma'muriyatchiligini raqamlashtirish masalalariga alohida e'tibor qaratildi. 

Tomonlar o‘z mamlakatlarida soliq sohasida amalga oshirilgan islohotlar natijalari, xususan, soliq ma'muriyatiga raqamli texnologiyalar joriy etilgandan keyingi yutuqlar bilan tanishtirdilar. Ushbu yo‘nalishdagi o‘zaro aloqalar, shuningdek mavjud tajribalarni hisobga olgan holda kelgusidagi o‘zaro hamkorlik masalalari muhokama qilindi. Axborot ta'minoti va kadrlar tayyorlash sohasi ham diqqat markazida bo‘ldi.