Tokio-2020 Olimpiya o‘yinlarini muvaffaqiyatli o‘tkazayotgan Nikita Rafalovich (-80 kg) navbatdagi bellashuvini ishonchli yakunlab oldi.

Chorak finalda vakilimizga ozarbayjonlik Milad Begi raqiblik qildi. So‘nggi 2 jahon chempionatlarining g‘olibi, Rio-2016 sovrindoriga qarshi kechgan jang Rafalovichning g‘alabasi bilan yakunlandi. Shu tariqa vakilimiz chempionlik sari navbatdagi dadil qadamni tashladi.

Hamyurtimiz endi yarim finalda misrlik Seif Issa va rossiyalik Maksim Xramsov o‘rtasidagi bahs g‘olibiga qarshi dayanga chiqadi. Bo‘lg‘usi bellashuvda Nikitaga omad tilab qolamiz.

Manba: O‘zbekiston Milliy Olimpiya qo‘mitasi