2021-yilning 7-may kuni O‘zbekiston Respublikasi Tashqi ishlar vaziri Abdulaziz Kamilov Fransiya Respublikasining Muvaqqat ishlar vakili  Bris Rokfeyni qabul qildi.

Uchrashuvda O‘zbekiston-Fransiya kun tartibining dolzarb masalalari muhokama qilindi.

Tomonlar ikki mamlakat tashqi ishlar idoralari rahbarlarining 3-may kuni bo‘lib o‘tgan telefon suhbatlarining samarali natijalarini qayd etdilar, avvalgi erishilgan kelishuvlarni amalga oshirish jarayonini muhokama qildilar.

Bo‘lajak ikki tomonlama tadbirlar, jumladan, 2021-yilning 10-11-may kunlari bo‘lib o‘tadigan Fransiya Yevropa va tashqi ishlar vazirligining tashqi savdo va iqtisodiy jozibadorlik bo‘yicha vazir-delegatining tashrifiga doir tashkiliy masalalariga alohida e’tibor qaratildi.

Tomonlarni qiziqtirgan ayrim masalalar yuzasidan ham fikr almashildi.

Manba: O’zbekiston Respublikasi Tashqi ishlar vazirligi