O‘zbekistonda tibbiyot turizmi rivojlantirishga oid memorandum imzolandi.

Unga ko‘ra:

• Mamlakatimizning yetakchi tibbiyot muassasalari tibbiy turizm salohiyatini qo‘shni davlatlarda ham keng targ‘ib qiluvchi tadbirlar uyushtirish hamda turizm sohasidagi tadbirkorlik subyektlari bilan hamkorlikni yo‘lga qo‘yish.
• Respublikada mavjud yirik davlat va xususiy tibbiyot muassasalari bilan birgalikda konferensiya, ilmiy tadbir va o‘quv seminarlarini o‘tkazish.
• Yurtimizning yirik tibbiyot muassasalari faoliyati hamda ularda ko‘rsatilayotgan tibbiy xizmatlar orqali qo‘shni davlatlardagi turoperatorlar va OAV'larni yaqindan tanishtirish maqsadida infoturlar va uchrashuvlar tashkil etish orqali ko‘rsatilayotgan tibbiy xizmatlar bilan yaqindan tanishtirish hamda O‘zbekiston tibbiyot turizm xalqaro forumi, ko‘rgazma va xalqaro tadbirlar tashkil etilishi nazarda tutilgan.

Shuningdek, tibbiyot turizmi yo‘nalishidagi xorijiy sayyohlarni (davolanuvchi va hamrohi) keng jalb qilish maqsadida “hospitality xizmatlari"ni yo‘lga qo‘yish hamda “Medical visa” qo‘shimcha (elektron bo‘lmagan) kirish vizasini joriy etish choralarini ko‘rish kabi zaruriy vazifalar belgilangan.

Manba: O‘zbekiston Respublikasi Turizm va madaniy meros vazirligi