Joriy yilning 5-aprel kuni Iqtisodiy taraqqiyot va kambagʻallikni qisqartirish vazirligida Perm oʻlkasining Хukumat raisi – sanoat va savdo vaziri Aleksey Chibisov boshchiligida Perm oʻlkasi (Rossiya) delegatsiyasi bilan “INNOPROM –   Oʻzbekistonda katta sanoat haftaligi” Xalqaro sanoat koʻrgazmasida ishtirok etish masalalari yuzasidan uchrashuv boʻlib oʻtdi.

Uchrashuv davomida tomonlar ikki tomonlama iqtisodiy-savdo boʻyicha hamkorligining holati va uni yanada rivojlantirish istiqbollari yuzasidan muhokama olib borildi.

Aleksey Chibisov viloyat delegatsiyasi tarkibida 12 ta korxona borligini taʻkidladi. Shuningdek, bugungi kunda Perm oʻlkasi 30 ta mintaqaviy korxonalarni qamrab oladigan “Power Uzbekistan 2021” energetika koʻrgazmasida ishtirok etishni rejalashtirmoqda.

Aleksey Chibisovning soʻzlariga koʻra, viloyat korxonalari Oʻzbekistonning biznes vakillari bilan yaqin aloqalar oʻrnatishga ijobiy yondashmoqda.

Bundan tashqari, delegatsiya rahbari oʻzbekistonlik mehnat muhojirlarini Perm oʻlkasi korxonalarida ishlashga jalb qilishda har tomonlama koʻmak berishga tayyorligini takitlab oʻtdi.

Manba: O‘zbekiston Respublikasi Iqtisodiyot va moliya vazirligi