Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
TIF ishtirokchilari uchun yana bir interaktiv xizmat turi joriy etildi
2021-03-15 | Texnologiyalar
Mamlakatimizda zamonaviy axborot-kommunikasiya texnologiyalaridan foydalangan holda davlat bojxona xizmati organlari faoliyati samaradorligini oshirishga qaratilgan izchil islohotlar amalga oshirilmoqda.
Tashqi iqtisodiy faoliyat qatnashchilari uchun qulay ishbilarmonlik muhitini yaratish esa ularning vaqtini hamda harajatlarini qisqartirishga xizmat qilmoqda.
Bugungi kunda bojxona organlarida amaliyotga joriy etilgan axborot tizimlari 64 taga, interaktiv xizmatlar esa 31taga yetdi.
Yagona interaktiv xizmat portalida yuridik shaxslarga ko‘rsatiladigan eng ommabop xizmatlar ro‘yxatida bojxona organlarining 7 ta interaktiv xizmatlarining o‘rin olganligi sohada axborot-kommunikasiya texnologiyalaridan keng foydalanilayotganidan dalolat beradi.
Joriy yilning 1-martidan e'tiboran esa bojxona organlarida yana bir elektron xizmat amaliyotga joriy etildi.
Bu - “Tashqi iqtisodiy faoliyat ishtirokchisining dastlabki pul mablag‘lari” elektron xizmatidir.
Mazkur interaktiv xizmatdan foydalanish orqali tashqi iqtisodiy faoliyat ishtirokchilari quyidagi imkoniyatlarga ega bo‘lishadi:
- bojxona organlari g‘azna hisob varaqlarida mavjud dastlabki pul mablag‘larini bir hududiy boshqarmadan ikkinchi hududiy boshqarmaga o‘tkazish;
- to‘lovchi va bojxona organi o‘rtasidagi o‘zaro hisob-kitoblar bo‘yicha solishtirish dalolatnomasini olish;
- bojxona to‘lovlari bo‘yicha qarzdorligi mavjud emasligi yuzasidan ma'lumotnomani olish.
Ilgari TIF ishtirokchisi uchun bir necha kun vaqt talab etiladigan ortiqcha vaqt va moliyaviy sarf-xarajatlar endilikda onlay tarzda hal etiladi.
TIF ishtirokchisi mazkur xizmatdan Davlat bojxona qo‘mitasining www.customs.uz rasmiy veb-saytidagi “Elektron xizmatlar” rukni orqali foydalanadi.
Bu kabi xizmat turlarining keng joriy etilishi tashqi iqtisodiy faoliyat qatnashchilariga qulaylik yaratib, bojxona organlari ish faoliyati samaradorligini yanada oshirishga xizmat qiladi.
Manba: O‘zbеkistоn Rеspublikаsi Dаvlаt bоjхоnа qo‘mitаsi
