Pandemiya sababli 2020-yil davomida umumiy foydalanishdagi transportning barcha turlarida tashilgan yo‘lovchilar sonining kamayishi kuzatilmoqda.

 

2020-yil respublikada transportning barcha turlarida yo‘lovchi aylanmasi 116,7 mlrd.yo‘lovchi-km ni tashkil etib, 2019-yilga nisbatan 6,7% ga kamaydi. Yuk aylanmasi 69,1 mlrd.tn-km ni tashkil etib, o‘tgan davrga nisbatan 4,6% kamaygan.

 

Shu bilan birga, xalqaro yo‘nalishdagi tashilgan yuklar xajmi 46,9 mln.tnni tashkil etib, 2019-yilga nisbatan 8,5% ko‘paygan.

 

2020-yil davomida zamonaviy yo‘l-transport infratuzilmasini shakllantirish, mavjud avtovokzallarni rekonstruksiya qilish va yangilarini qurish, transportga axborot-kommunikasiya texnologiyalarini joriy etish bo‘yicha salmoqli ishlar qilindi.

 

94 ta yangi mahalliy (Qoraqalpog‘iston Respublikasida – 6 ta, Andijon viloyatida – 9 ta, Buxoro viloyatida – 7 ta, Jizzax viloyatida – 7 ta, Qashqadaryo viloyatida – 9 ta, Navoiy viloyatida – 8 ta, Namangan viloyatida – 9 ta, Samarqand viloyatida – 11 ta, Sirdaryo viloyatida –4 ta, Surxondaryo viloyatida – 6 ta, Toshkent viloyatida – 3 ta, Toshkent shahrida – 2 ta, Farg‘ona viloyatida – 7 ta, Xorazm viloyatida – 6 ta) va 6 ta xalqaro (Toshkent – Moskva, Toshkent – Omsk, Samarqand – Toshkent – Peterburg, Toshkent – Yekaterinburg, Toshkent – Perm', Toshkent – Ufa) yo‘lovchi tashish avtobus yo‘nalishlari ochildi.

 

7 ta avtostansiyada (Buxoro, Jizzax, Qashqadaryo, Navoiy, Toshkent, Farg‘ona va Xorazm viloyatlari) qurilish hamda 2 ta avtostansiyada (Andijon va Buxoro viloyatlari) rekonstruksiya ishlari yakunlandi.