2021-yilning 1-fevral kuni Oʻzbekiston Respublikasi Tashqi ishlar vaziri Abdulaziz Kamilov mamlakatimizga tashrif buyurgan Afgʻoniston Tashqi ishlar vaziri Hanif Atmar boshchiligidagi delegatsiya bilan uchrashuv oʻtkazdi.

Muloqot chog’ida Oʻzbekiston-Afgʻoniston munosabatlarining hozirgi holati va ularni yanada rivojlanish istiqbollari muhokama qilindi.

Afgʻoniston Tashqi ishlar vaziri Oʻzbekiston tomonining Afgʻoniston iqtisodiy infratuzilmasini tiklashdagi ishtirokini yuqori baholadi. Transport, aloqa, energetika va boshqa infratuzilma loyihalarini amalga oshirish masalalariga alohida eʼtibor qaratildi.

Tomonlar Afgʻonistonda uzoq muddatli tinchlik va xavfsizlikni oʻrnatish uchun afgʻonlararo siyosiy muzokaralarning muqobili yoʻqligini ta’kidladilar.

Afgʻoniston tomoni Toshkent shahrida “Markaziy va Janubiy Osiyo: mintaqaviy oʻzaro bogʻliqlik. Tahdidlar va imkoniyatlar” xalqaro konferensiyasi oʻtkazilishini qoʻllab-quvvatladi.

Delegatsiyalar rahbarlari boʻlajak qoʻshma tadbirlar rejasini muhokama qildilar va kelishib oldilar.

Muzokaralar chogʻida tomonlarni qiziqtirgan boshqa masalalar ham koʻrib chiqildi.

Manba: O’zbekiston Respublikasi Tashqi ishlar vazirligi