Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
“Markaziy Osiyo investitsiyaviy sherikligi” tashabbusini yo‘lga qo‘yish to‘g‘risida Amerika Qo‘shma Shtatlari, O‘zbekiston va Qozog‘istonning qo‘shma bayonoti
2021-01-08 | Iqtisodiyot
Quyidagi bayonot matni Amerika Qo‘shma Shtatlari, O‘zbekiston Respublikasi va Qozog‘iston Respublikasi hukumatlari tomonidan e'lon qilindi.
Matn boshlanishi:
Amerika Qo‘shma Shtatlari, O‘zbekiston Respublikasi va Qozog‘iston Respublikasi hukumatlari “Markaziy Osiyo investitsiyaviy sherikligi” tashabbusi yo‘lga qo‘yilganligini e'lon qilishmoqda. Ishtirokchilar boshqa mamlakatlarni mintaqaviy iqtisodiy sheriklik va farovonlikni qo‘llab-quvvatlashga qaratilgan ushbu tashabbusga qo‘shilishlarini olqishlaydilar.
Mazkur tashabbus orqali AQSh Xalqaro taraqqiyot moliya korporatsiyasi (DFC), O‘zbekiston Respublikasi Investitsiyalar va tashqi savdo vazirligi va Qozog‘iston Respublikasi Hukumati manfaatlarini ko‘zlab harakat qiluvchi “Ostona” Xalqaro moliya markazi, Markaziy Osiyo va mintaqadagi xususiy sektori o‘sishiga hamda iqtisodiy aloqalarni kengaytirishga xizmat qiladigan loyihalarni qo‘llab-quvvatlash uchun besh yil ichida kamida 1 milliard dollar mablag‘larini jalb etish maqsadida barcha imkoniyatlarni ishga soladilar.
“Markaziy Osiyo investitsiyaviy sherikligi”ning maqsadi xalqaro infratuzilma sifat standartlariga javob beradigan hamda inklyuziv, shaffof va barqaror investitsiyalar hajmining o‘sishiga ko‘maklashuvchi xususiy sektor sohasidagi loyihalarni ilgari surishdan iborat bo‘ladi. Shunday qilib, sheriklar loyihalarni muvaffaqiyatli amalga oshirishga hissa qo‘shadi va mintaqaga qo‘shimcha xususiy investitsiyalar kirib kelishini faollashtiradi.
“Markaziy Osiyo investitsiyaviy sherikligi” AQShning Markaziy Osiyoda iqtisodiy o‘sish va farovonlikni qo‘llab-quvvatlash borasidagi sa'y-harakatlarini hayotga tatbiq etishdagi muhim qadamdir. “C5+1” platformasi orqali amalga oshirilayotgan ushbu tashabbus Markaziy Osiyo mamlakatlari iqtisodiyotini mustahkamlash va o‘sishini ta'minlash maqsadida savdo-sotiqni oshirish, kompleks rivojlanishni rag‘batlantirish va ko‘p tomonlama aloqalarni chuqurlashtirish uchun barcha mavjud imkoniyatlardan foydalanishga intiladi.
Mintaqa COVID-19 pandemiyasining iqtisodiy oqibatlarini yengib o‘tishga intilar ekan, bunday hamkorlik va barqarorlik har qachongidan ham muhimroq.
“Markaziy Osiyo investitsiyaviy sherikligi” har bir Markaziy Osiyo mamlakatining rivojlanish va gullab-yashnashga intilishiga asoslanadi.
Mintaqaviy loyihalarni qo‘llab-quvvatlashdan tashqari, DFC O‘zbekiston Respublikasi Investittsiyalar va tashqi savdo vazirligi hamda Qozog‘iston Respublikasi Hukumati manfaatlarini ko‘zlab harakat qiluvchi “Ostona” xalqaro moliya markazi bilan o‘zaro anglashuv memorandumlarini imzolash hamda investitsiya jamg‘armalari faoliyatini rivojlantirishni qo‘llab-quvvatlash va qo‘shma loyihalarni amalga oshirish imkoniyatlarini o‘rganish orqali Markaziy Osiyoda sheriklikni chuqurlashtirishda davom etadi.
Manba: O‘zbekiston Respublikasi investitsiyalar, sanoat va savdo vazirligi
