Bugun poytaxtimizda boks bo‘yicha o‘smirlar o‘rtasida mamlakat chempionati start oldi. 2004-2005 yillarda tug‘ilgan o‘smirlar o‘rtasida tashkil qilinayotgan mazkur musobaqa Xanchjou-2022 Osiyo o‘yinlari hamda Parij-2024 Olimpiya o‘yinlariga yosh iqtidorlarni saralash maqsadida o‘tkazilmoqda.

Musobaqada saralab olingan iqtidorli yoshlar terma jamoa tarkibiga jalb qilinadi. Reglamentga ko‘ra, bugun -46, -50, -54, -60 va -70 kg vazn toifalarida saralash bellashuvlari bo‘lib o‘tadi. Musobaqaning final janglari 27-oktabr sanasiga belgilangan. Janglar «Universal» sport saoryida bo‘lib o‘tmoqda.

Manba: O‘zbekiston Milliy Olimpiya qo‘mitasi