Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Samarqand tumanida yangi sayyohlik obyekti ochildi
2020-10-18 | Turizm
Ohalik togʻ yon-bagʻrida joylashgan Yangiariq mahallasi hududida tashkil etilgan “Oqboʻyro garden” ekoturizm maskani maroqli dam olish uchun oromgohlar, milliy koʻrinishdagi shiyponlar, suzish havzasi, bolalar oʻyin maydonchasini oʻz ichiga oladi.
Shuningdek, ochiq havoda mehmonlar uchun konsert va shou-dasturlar namoyish etiladi. Hududga tashrif buyuruvchilar togʻ manzarasidan bahramand boʻlishi hamda piyoda, otda yoki eshakda sayr qilishlari mumkin.
Mehmonlar uchun ekstremal turizm xizmatlaridan foydalanish, kvadrotsikllarda sayr qilish, paroplan, deltaplan va havo shartlarida parvoz qilish imkoniyatlari ham yaratilgan. Zamonaviy talablarga javob beradigan loyihaning umumiy qiymati 10 milliard soʻmdan ortiq.
Mazkur maskanning ochilish marosimida Oʻzbekiston Respublikasi Bosh vaziri oʻrinbosari, turizmni rivojlantirish davlat qoʻmitasi raisi A.Abduhakimov va Samarqand viloyati hokimi E.Turdimov ishtirok etdi.
Gʻ.HASANOV, A.ISROILOV (surat)
Manba: O'zA
