O‘zbekiston milliy terma jamoasi Tojikistonga qarshi o‘rtoqlik o‘yini o‘tkazishi rejalashtirilgan edi. Terma jamoamiz vakillari o‘yin oldi o‘quv-mashg‘ulot yig‘inini tashkil etmoqda.

Milliy jamoamiz a’zolari «Bunyodkor» akademiyasi maydonida bugundan mashg‘ulotlarga kirishdi.

Dastlab asosiy e’tibor tiklanish mashqlariga qaratilgan bo‘lsa, asta-sekin mashg‘ulotlar to‘la hajmda davom ettirilib asosan to‘p bilan ishlashga ahamiyat berildi.

Eslatib o‘tamiz, Tojikistonga qarshi o‘rtoqlik bahsi 3-sentabr kuni soat 19.00 da «Lokomotiv» stadionida bo‘lib o‘tadi.

Ushbu bahsda tema jamoamizga omad yor bo‘lishini tilab qolamiz!

Manba: O‘zbekiston Respublikasi Yoshlar siyosati va sport vazirligi